di Manfredi "Freddy" Adamo
Lunnedì assera che quiete dint’ ‘o vascio!… M’ero scurdato ca ce steva ‘a partita… Il dovere primma del piacere e come al solito alle sette, sette e mezza, puntuale, chiudo. Saglienno saglienno ‘e scale, nun sapeva si m’aveva cunzulà cu ‘e sasicce e friarielle che Patrizia me steva cucinanno (ehhh l’addore me sfruculiava*, nun vedevo ll’ora d’’e mmesurà) oppure ammirare il grante Napule. Ma per comme jocano sti guagliune ultimamente ‘o penziere nun truvava soluzione. E a conclusione? Je penzava alla soddisfazione… ehhh sapete com’è, non ho saputo resistere. Giornata pesante: Cuncetta ‘a chiattona s’era ‘ncastrata addderet’ ‘a lavapanne, Giggino s’annascunneva pe’ nun gghì ‘a scola, ‘a mamma ca ‘o’ lluccava, ‘on Salvatore ca stenneva ‘e panne e a gocccia a goccia cadevano ‘ncapo a Zì Peppe. Non vi dico e non vi conto, meno male che ogni tanto passa ‘na bella guagliona. Che bel portamento che hanno le napoletane, ah… si ero nu poco cchiù guaglione, quanta suspire ll’avesse fatto appriesso. Ovvì, me songo distratto. Vi dicevo, saglienno saglienno ‘e scale penzavo più alla soddisfazione e così un poco a malincuore ‘a sasiccia e friarielle ha ceduto il posto: ‘o Napule è ‘o Napule, pure si me n’ero scurdato. Appiccio* il TV e sempre grazie a ‘on Salvatore, signore d’altri tempi, borbonico e barbuto, riesco a vedermi le partite col filo di ‘ntenna che suo nipote elettricista ha ‘nciarmato* alla bona e meglio. Uè, manco ‘o tiempo e m’assettà ‘ncoppa ‘a seggia (non riesco a vedere le partite sul sofà, ma ‘a verità è che nun ‘o tengo ‘o sofà, beato chi s’’o fa il sofà), posizione streveza* per mantenere l’antenna davanti alla finestra e s’affaccia ‘on Salvatore. “Don Ciro!” mi dice, “stasera giochiamo a Torino. Loro hanno già preso un palo e noi non riusciamo ad emergere come nel girone di andata”. “Bonasera ‘on Salvatò, non mi scoraggiate, tenevo la sasiccia di là ma sono venuto qua per la mia sofferenza truccata da partita di pallone”. “Ma lo sapete Don Ciro che Torino-Napoli è una partita speciale? Vecchie storie ma non di pallone, di politica e di nazione. Stasera non possiamo perdere, ne va dell’onore!”. Ma comme – pensavo – na partita ‘e pallone nientemeno scommoda la politica, la Nazione? “’On Salvatò non ve pigliate pena, il nostro Napule ci toglierà i paccheri dalla faccia” ma mentre lo dicevo il Torino si faceva sotto, attaccava, se magnava n’ato gol. E per la Grazia di Dio e per il fegato nu poco arrevutato, arriva l’intervallo. Nun tengo core ‘e ì a magnà, e così rimango in quella posizione streveza fino alla fine “non è vero ma ci credo”. Né, si me strujo* pe’ n’ora sana coll’antenna mmana, tengo mente fino alla fine pe’ vedè se anche i nostri nennilli azzurri faticano pure lloro mmiez’ ‘o campo. A Torino!!… Mò ca ce penzo, ‘on Salvatore me parlaje di vecchie ruberie piemontesi contro il Regno di Napoli. Vuò vedè ca stasera s’arrevota la Storia? Ma niente ‘a fa… sempe lloro, pali, tiri sbagliati, parate del puparolo Reina. Chisà pecchè dint’ ‘a televisione lo chiammano accussì. Tanto puparuolo non è, quante vvote c’ha salvato? E forse San Gennaro s’ha fatto l’esame di coscienzia. Se n’è addonato, chisà quanta preghiere avrà sentuto? Il tifoso, nato per soffrire, soprattutto se tifa Napule, si sarraggia pure scucciato!… Si non ho dubbio, San Gennaro c’ha penzato. Gli avrà detto a Rafiluccio, jamme bella cagna quaccheccosa. Né ‘o mistèr non si alza e cagna ‘o frangese? Entra ‘o gemello ‘e Donadello biondo e bello e si, è nu signale, quello! Comme a nu prencipe ‘ncoppa ‘o cavallo, tutte annanze a cercare il gollo. Ah che Napule, attacca e sciupa, me piace ‘o veramente! E quanno tutte penzavano al pareggio, n’ata schifezza, il Pipita schiaffa la palla nella rezza!! E che v’ ‘o ddico a ffa, ‘on Salvatore ‘ncoppa ‘o balcone festeggia comme a nu rre, aiza ‘o calice al cielo di Napule e ringrazia. Tutto ‘o Rione a festa, il Vascio, come Napule, se ripopola n’ata vota. Uh… e che vittoria poetica: sofferenza, sopportazione e pacienza; al momento giusto la preghiera che ci libera dal tuosseco. L’avimma fatte sfrennesià* e po’ l’avimme castigate. Vince chi non molla e chi sape ‘o fatto suojo. Che bellezza!!!... M’è venuta famme, saccio pure je ‘o fatto mio…Patrizia mi aspetta, nun vulesse ca chella bella sasiccia e friarielle accussì prufumate se pigliassero confidenza cu n’ata panza. Ma primma ‘e me cunzulà, ca già stevo cunzulato, ‘on Salvatore mi regala un’altra perla: “Don Ciro!! Chi cumbatte po’ pperdere, ma chi nun cumbatte ha perzo ggià!!”
E per chi sta imparando ancora la nostra lingua meravigliosa, un glossario:
*Sfruculiare= stuzzicare, solleticare, provocare
*Appicciare= accendere
*Inciarmare= combinare, architettare
*Streveza= bizzarra, inusuale, in una parola "strana", in alcuni casi addirittura "incomprensibile”
*Struirse= struggersi, tormentarsi
*Sfrennesiare= sfrenare, sfogare, scatenare
