di Manfredi "Freddy" Adams
Avimmo vinto n’ata Coppa Italia!! Nel primo tempo tanta jucate supraffine, dduie gol ma putevano addeventà ‘e cchiù pecché avimmo accummenciato la partita in quarta. Putèvemo chiudere con tre gol ma purtroppo lloro, con un tiro, hanno azzeccato anche l’angolino e hanno dimezzato lo svantaggio. Nel secondo tempo tutta la squadra napulitana ha dimostrato carattere e capacità di sufferenza; ‘a Fiorentina, a dire il vero, ha jucato bbuono, ha cummannato, ha tenuto palla ma, a parte nu paro ‘e tiri, nunn ha fatto niente. Stevano pareggianno pecché Pandèv s’è magnato ‘o terzo gol, vuleva fa ‘na finezza e dalle nostre parti iliCiccio a tuppertù cu’ Pepe ha tirato fore. Ma po’ avimmo pensato: “Visto? Che significa a sbaglià sempe? Lloro ce fanno ‘o servizio…” e così il Broccoletto di Brussèl Mertens, nei minuti di recupero ha fatto arrepusà stu core anziano e m’ha fatto alluccà talmente forte ca pure Don Salvatore, ‘o lato ‘e sotto, s’è appaurato e col bastone m’ha tuzzuliato vicino ‘a fenesta.
“Don Ciro” me dicette, “stasera non ho tanta voglia di festeggiare perché ci stava scappando il morto”. Sapendo che aveva raggione assai, ccà s’adda arraggiunà nu mumento. ‘O pallone o è ‘nu juoco oppure è ‘na cosa cchiù seria e s’adda vedé che s’adda fa!
Il primo punto che vulesse capì è: pecchè, all’interno di un percorso studiato per pruteggere ‘e tifosi, nu delinquente, arma in pugno ha primma sfuttuto e po’ ha cacciato ‘na pistola per “ammazzarli tutti” comme stesso isso ha ditto…. Secondaria cosa: a Roma se sape, pure uno miezo surdo comm’a mme, ha sentuto pe’ televisione, ce trattano ‘na chiavica, ce ne cantano ‘e ogne mmanèra… sapendo ca ‘sti mieze cristiane se permetteno di insultare Napule e Napulitani pure quanno nun jocano contr’a nnuie; né, ma vulite penzà ‘e rinforzà nu servizio di sicurezza, visto ca jammo a fernì sempe peggio? Ma po’ maie esistere na società civile ca ancora ave bisogno ‘e ll’esercito pe’ se ì a vvedé ‘na partita ‘e pallone? Niente, ce steva scappanno ‘o muorto. N’ata vota. Sempe pe’ mezzo d’ ‘o pallone. Ma quanno sarrà ca tutte quante ce facimmo n’esame ‘e cuscienza? Addò state purtanno stu juoco, chiammammolo juoco, addò sempe cchiù spisso vene rappresentato da ‘na manica ‘e fetiente? Il mancato (per poco) assassino dei napoletani accorsi pe’ se vedé ‘na Finale tanto desiderata e vuluta, stavota, ‘na bella condanna a vita s’ ‘a piglia oppure facimmo finta ‘e niente comme a sempe? Gli daranno un Daspo (m’ha ditto Donna Lucia che il Daspo è il divieto di vedere partite per un certo periodo)? È comme a dicere a ‘nu rapinatore <<Non può cchiù trasì dint’ a na Banca>>, bravi! Accussì aspetta fòre*… ma stammo pazzianno?? ‘O vero facite? Quanno acchiappate ‘a sta ggente avita fa una cosa:
FERMO IN QUESTURA NELLE STANZE APPOSTE TUTTE LE VOLTE CA JOCANO A PALLONE!!!
Dice… ma ‘e ppartite se jocano ‘o sabbato assera, a dummeneca pomeriggio, a dummeneca assera, ‘o lunnedì…. Embé??? E allora??? Putimmo mai dipendere a sti cani sciuoti? Quanta ggente nun va cchiù ‘o stadio pe’ ppaura degli ultras, degli scontri? Che schifo è questo??? Nunn ‘e vulite chiudere ‘n galera? Chiudeteli dint’a ‘na stanza quanno se joca. Sempe!! Tutte ‘e vvote!! Ammagaro quaccheccosa nun succede cchiù!!
Fermate tutti i responsabili, pure chi viene aggredito, pecchè si vene scuperto cu’ ‘nu curtiello ‘nguollo, se capisce ca va a vedé ‘na partita sicuramente non comme a me o comme a tanta brava ggente ca, pe’ mezzo ‘e sti quatto storditi, hanna a essere chiammate delinquente pure lloro. Accumenciammo a ffà piazza pulita oppure sta ggente fa còmmodo?? Faciteme capì….
Dàmmece ‘na mossa e ampresso*! E sempre Forza, Napule!!
*fòre = fuori
*ampresso = presto
