Lo seguo il Napoli, e ci mancherebbo altro!.. Ma ‘a cosa cchiù bbella, è che mò tutte quante ‘o stanno seguenno, pure chilli ca meritano di più. Tutti ‘nzieme se vence, nun ce stà cosa cchiù bbella quanno città e pallone vanno d’accordo.

<<Don Ciro ve purtammo ‘o stadio dummeneca matina!!>>, fu la minaccia ‘e miercurì matina truccata da invito, da parte di un gruppo che amano definirsi “Seguigià”(se vede ca seguono ' Napule). Ma la domenica mattina, ‘o ssapite, è il giorno più  turistico della semmana: dalla provincia se veneno a ffà ‘na passiàta al lungomare, quacche fotografo se vene a ffà ‘nu giro dint’ ‘e Quartiere e parecchi turisti organizzati se ‘nfizzano pe’ ogne ppizzo per ammirare una delle città più straordinarie del mondo. Comme pozzo lasciare il Vascio? E se quaccheduno passa per il nostro e ci domanda curiosità? Che poi una Storia la tene anche il nuosto, un giorno ve la racconterò. Niente! Nunn’hanno vuluto sapé niente, il loro argomento era meglio del mio, deciso e convincente: <<Don Cì... ma vuie non eravate chillo ca lle piace il calcio domenicale del pommeriggio?>> Sine, l’ho detto tante vvote. È n’ata cosa! E mi hanno convinto, m'hanno fatto pure 'o biglietto.

È tutta n'ata cosa. Ti sceti e accummencia tutta una preparazione che, per uno comme a mme, con un’anzianità circolante, significa turnare addereto di qualche ventennio: siente ‘o ccafé pe’ tutt’ ‘a casa, ll’atrenalina saglie pecché sai ca te veneno a piglià e se va ‘nzieme, cacci ‘a dinto a quacche stipo ‘nu cimelio, ‘na bannera borbonica, qualsì cosa possa servire; t’arricuorde quanno guaglione tenivi 'o posto pe’ ll’amice ca venevano cchiù ttarde, ‘mmiriuso pe’ cchilli ca facevano ammore pure ‘a dummeneca matina, e ‘na granda marenna (chella nun po’ mancà!) comme a cchella ca te appriparava mammà. Discorsi sulla formazione e sulla partita, quanta ggente ce stà, ecc… ll’unica cosa ca ogge è diventata impossibbile da realizzare è la radietta, pe’ sentere in diretta i risultati dagli altri campi (ccà jocano tutte 'e juorne, la giornata accummencia 'o sabbato assera e fernesce 'o lunnedì quacche vvota) e le vecchie pubblicità Arianna Armenio, Armenio Arianna e Amplifòn che riscuotevano alleria e clima partita. P’ ‘o riesto chi ce tene, vive questi momenti quasi sempre allo stesso modo con gli stessi gesti, ‘e stesse ffissazioni: la scaramanzia ca ognuno tene e se ‘a cunserva gelusamente nei secoli seculorum.

Quanno vide tanta ggente allo stadio se riegne ‘o core. La squadra lo avverte e s’impegna, ‘o ttene e t’ ‘o ddà! Ad ogni azione, ad ogni passaggio siente ‘o pubblico cu’ttico: vai Napule, vencimmo pure ‘sta partita!! E Napoli-Fiorentina addeventaie partita-scudetto. Si, ‘o ssaccio, è un’esaggerazzione doppo sulamente otto partite, ma chi nunn’è gghiuto a vvedé Napoli-Fiorentina non pote capìre il clima di aspettative e di assoluta tensione attuorno a chesta partita. ‘E tifuse hanno fatto ‘a parte lloro, guagliù… vuie facite ‘o riesto!!

E nun se ll’hanno fatto dicere ddoie vote. Doppo tant’anne s’è visto nu gruppo convinto pure se difronte tenévamo na signora squatra. ‘A Fiorentina joca veramente bbuono. ‘O primmo tempo ha jucato bbello e ce ha fatto girà tuorno tuorno. Ma pure mmiez’ ‘o campo la foia e la pressione ha fatto sbaglià paricchie passagge. Da una parte e dall’altra. Doppo ‘na paura ca Pepuzzo a pporta ha saputo alluntanà, facendo un tuffo da scugnizziello proprio annanze a nnuie dint’ ‘a curva, ‘o Napule ha pigliato curaggio, ma il primo tempo è fernuto accussì, senza tanti scussùne, a parte ‘nu colpo ‘e testa di Gonzaluccio di poco fuori. 

Tutti assettàti all’intervallo (sì pecché ‘a partita se vede all’erta), accussì comme dint’ ‘a cchiesa sfilano ‘e ccurone chi adda prià, se ne songo sfilate marenne ‘ncopp’ ‘o stadio!! Palatùne di ogni forma e sostanza e di ogni varietà. Dalla mulignana ‘nzivata alla pummarola e muzzarella; dalla cotoletta alle scarole cu’ l’aulive, alla frittata di maccarune. All’estero na cosa ‘e chesta vene chiammata fastfùdde, a Napule se chiamma semplicemente “marenna”, appriparata con maestrìa, e con altrettanto ammore e cura, introdotta sugli spalti. A quaccheduno ll’aggio visto pure vasà stu bbene 'e ddio primma ‘e se ‘a magnà! Simmo nu popolo straordinario!

Ce ne stanno cose da dicere e raccontare ma lo spazio è poco e la fiorentina s’adda magnà appena scottata. E accussì è stato: manco ‘o tiempo ‘e appiccià ‘o ffuoco d’ ‘o sicondo tempo, manco ‘o tiempo ‘e ll’ ‘a fà cocere comme si deve, il nostro Capitamsik, dint’ a ‘na vutata e ‘na girata, offre al nostro Lorenzuccio l’occasiona per se ‘a magnà. Grande azione e grandissimo gol.

N’ata partita proprio. Tutte quante vulevano partecipare al banchetto. La Fiorentina aveva mostrato il fianco sanguinante e accussì ‘e nuoste, ato ca ciucci!... Parevano belve arraggiate ‘mpazzute all’odore del sangue. Hanno vuluto finire l’animale boccheggiante. Il torero Callegol, Giorgino, Oillàn, Isaia, Gonzaluccio e Abbiocco ce hanno pruvato a finire la preda ormai rantolante ai loro musi rabbiosi, ma si vede forse che la raggia nunn’è stata abbastanza e hanno permesso un ultimo colpo di coda, che puteva essere fatale. Il loro centravanti azzecca nu golle bellissimo, da fare solo applausi. Ma pe’ cchello che ave fatto vedé ‘o Napule stu pareggio era troppo 'na ‘nfamità.

Oilloco ‘o pubblico. Ha incitato ‘e guagliune mmiez’ ‘o campo e li ha chiammati ad una reazione. Giorgino s’è mmiso pure a recuperà pallune, oltre a dettare gioco e schemi; Kolibrì da oggi è Muribaly (antiperforamento e soprattutto ‘na roccia), el Pipita pare 'nu pazzo a correre addereto all’avversario e accussì, recuperanno l’ennesimio pallone, fa 'nu gol ca se ne cade ‘o stadio, grazie all’assistenza del folletto Mertenzio, prima ca ‘nu cavicio (un calcione) lo mettesse fuori uso doppo manco 'nu quarto d’ora ca era trasuto. Diagonale secco col sinistro e partita addirizzata. Nun ve dico e nun ve conto l’ammore dello stadio. Ll’uocchie parevano chille d’ ‘e ‘nnammurate. I sorrisi e la gioia erano pittate ‘nfaccia ‘a ggente, ‘nu clima meraviglioso.

Tutto stu bbene ‘e ddio ovviamente pure ‘e jucature, appena finita la partita, se lo hanno vuluto godere. Se songo avvicinati alla Curva e hanno zompettato e cantato ‘nzieme ‘e tifuse. Un’immagine che me portarraggio appriesso pe’ paricchio tiempo. Ce vuleva ‘na cosa accussì grande. Grazie al mistèr ai giocatori ed ai tifosi. E grazie pure ‘e guagliuni ca hanno purtato stu vicchiariello ‘a partita, comme si fossi ‘nu nonno, ‘nu pate anziano, uno 'e lloro.

A ffinale, lasciatemi raccontare del gesto più bello succieso sugli spalti. Un nostro amico del Vascio, nu grande cuoco che spesso ci ha deliziato a nnuie con i suoi manicaretti, raccoglie mmiezo a ciento mane, il pallone che Callejon per la priezza scaglia nei distinti, proprio vicino a nnuie. Francesco lo prende e lo regala a 'nu criaturo ca steva vicino a isso! Immagginate 'nu criaturo piccerillo ca pe' 'nu mumento vuleva addeventà gruosso p'arraffà l'oggetto dei suoi sogni, 'e suonne di ogni criaturo. Francesco nunn' ha avuto n'attimo di indecisione, piglia stu pallone e glielo regala, attirando l'ammirazione del padre, la riconoscenza 'e stu criaturo e l'approvazione di tutto nu settore. Bravo pure tu, bellu gesto guagliò!