di Manfredi "Feddy" Adams

Primma 'e parlà d' 'a partita vulesse dicere a San Gennaro ca tutta sta pressa di sciogliere il sangue, sabbato matina, nisciuno ll'aveva addimannata. Diceno ca 'o sanghe è asciuto dalla cassaforte già liquido. La città sape ca la liquefazione del sangue “durante la cerimonia” è ritenuta bbuono aùrio, mentre chella vota che è succiesso, sapite, di anticipare o di ritardare la liquefazione, le cose per la città non sono andate tanto bene. Ma senza vulé scomodà elenchi e dati, stammo sempe senza penziere! I Napoletani si sono sempre ripresi da qualsiasi problema o calamità, tranne forse quella che dura da 154 anni e di cui Don Salvatore me parla sempe: l’unità d’Italia! E comme s'arraggia quanno dice che ai nostri ragazzi hanno scancellato la Verità sui libri di scuola e confezionata un'altra, che fa più còmmodo: <<La memoria del vinto è il pericolo maggiore che corre il vincitore!>>. Don Salvatore, dice sempe pure che: <<La Verità rende liberi!>>. Visto, Don Salvatò, che me lo sono arricordato?.. E fate bene pure a puntualizzare che il probblema nunn’è che tanto È SUCCESSO tanto tempo fa (oltre nu secolo e mmiezzo) ma che SUCCEDE DA un secolo e mezzo questa calamità che vuie, carissimo Professore, chiammate “Italia”.

Ma lasciammo sti ccose per altri ambienti e tuffiamoci a cufaniello nel pallone perché la vittoria all'esordio di Sarri in Europa è stata netta, convincente e speriamo determinante per il futuro del progetto affidato a questo allenatore venuto dalla gavetta. 'A cosa bella è stata ausuliare tutti i commenti prima della partita: 'o Brugge è forte, bella squadra, grande difesa da prendere ad esempio pecché piglia pochi gol e poi doppo, visto che ha perzo cu' nu bellu paccaro a cinche deta (schiaffo a 5 dita), tutti a dicere ca erano scarze, che 'o Belgio quanno maje ha cuntato dint' 'o pallone, ecc...ecc...

Quacche vvota è divertente, ma m'addumanno comme fa certa gente a stà sempe, morbosamente, appriesso 'e ggiurnale, a internètt, a Fessbùc d''a matina 'a sera. Comme fanno ciento 'e lloro, a cuntà ciento cose diverse, fare mille illazioni e nu milione ‘e considerazioni quando al massimo dal Napoli calcio iesce una, massimo ddoie notizie al giorno? Le montagne russe delle opinioni è andata avanti fino alla partita contro la Lazio e siente ‘e dicere: “Con gli aquilotti comincia un ciclo terribile, le squadre che verranno sono tostissime e Sarri s’adda vedé si se magna 'o tturrone 'e Natale. Po' ammagari, comme è succiesso ajere ssera, Sarri cu' chell'ata mano, chiava n'atu pacchero a cinche deta (vedi su, significa 5 gol) e tutti a dicere vabbuò, squadra incompleta, Lazio fuori forma e maie a penzà ca stu Napule sta sfoderando prestazioni maiuscole. Era quistione ‘e tiempo…

E si chist’uocchie hanno visto addirittura Ghoulam ca s'è spurcato 'o pantaloncino, rrobba ca nun se vedeva manco dint' 'e ffotografie 'e quann'era criaturo, vole dicere che ajere ssera 'e guagliuni mmiez' 'o campo steveno suonanno tutte quante 'o stesso strumento. Il Maestro di museca Sarri ha fatto 'maparà a tutta 'a banda nu spartito brasiliano. Le giocate sono state da applausi. Raramente aggio visto nu Napule accussì bello, forse sulamente cu' Vinicio e cu' Benitez contro la Roma. Finalmente Kolibrì ha pigliato a muorze a tutte quante: ci vole uno a' llà addereto ca fa capì all'avversario ca nunn'è consigliabile avvicinarsi alla porta di Pepe Reina e che, come dicevamo la volta scorsa, chiava ‘na ponta sotto e votta il pallone luntano dalla propria area. Finalmente Lorenzuccio ha dato spettacolo, forse 'o spartito suoio era Argentino, avrà fatto fesso all'allenatore e avrà sonato il Te Diegum: tecnica sopraffina, passaggi alla “Và a signà, tiè...” e un gol che suggella una pretstazione ca quanno è asciuto dal campo, sulamente 'e cecate nun l'hanno dedicato un applauso sincero. Giorgino ‘a cummannava isso, Isaia nunn’ave fatto rimpiangere MotoMaggio, il Pipita ha fatto doppietta: ddoie cannunate ca manco Navarone era accussì efficace; il Capitano ha dominato il centrocampo; il nuovo acquisto Allan ha dimostrato ca tene qualità e sustanza; pure Abbiocco dint’ ‘a stu cuncertino ha fatto ‘o prufessore!..

Che dire, che v’aggia dicere? Mai chella sigaretta ca m’aggia fummato doppo ‘a cuntesa è stata cchiù ddoce, poi però rivivendo sta granda partita m’è venuto a mente ca è trasuto David Lopez e mi sono scetato dal suonno. Ho capito ca simmo sempe na squadra normale!